Saytning eski versiyasi

Birlashgan kurash dunyosi (UWW) Parij-2024 yozgi Olimpiya oʻyinlarida ishlaydigan hakamlar nomini maʼlum qildi. Quvonarlisi, ular orasida oʻzbekistonlik mutaxassis Eshpoʻlat Hidoyatov ham bor.

Maʼlumot uchun, bu E.Hidoyatov uchun birinchi Olimpiada boʻladi. Hakamimiz bungacha Nankin-2014 va Buenos-Ayres-2018 oʻsmirlar yozgi Olimpiya oʻyinlari, qitʼa va jahon chempionatlari, Osiyo oʻyinlarida samarali faoliyat olib borgan. Mutaxassis 2022-yil Oʻzbekistonda eng yaxshi hakam sifatida eʼtirof etilgan edi. Hidoyatov 20-24-iyun kunlari Gretsiyada Olimpiya oʻyinlariga saralab olingan hakamlar uchun tashkil etiladigan seminarda ishtirok etadi.