Toshkent viloyatining Boʻstonliq tumanida veloshosse boʻyicha “Tour of Bostonliq Ladies" bahslari yakuniga yetdi. 3 bosqichdan iborat boʻlgan qiziqarli poyga yakunida hamyurtimiz Yanina Kuskova gʻalaba qozonishga muvaffaq boʻldi.

Parij-2024 litsenziati Kuskova ilk bosqichda birinchi, ikkinchi bosqichda uchinchi va yakuniy startda toʻrtinchi natijani qayd etgan edi. Uning jami 232 kmdan iborat 3 bosqich yakunida koʻrsatgan umumiy vaqti 7 soat, 27 soniyani tashkil etdi. Ikkinchi va uchinchi oʻrinlardan qozogʻistonlik Faina Potapova hamda Akpeil Ossim joy olishdi.

Ayni paytda erkaklar oʻrtasidagi oxirgi bosqich davom etmoqda.