27 May 2024
510
Yosh og‘ir atletikachilarimiz jahon chempionatini 12 ta medal bilan yakunlashdi
Peru poytaxti Lima shahrida og’ir atletika bo’yicha o’smirlar o’rtasidagi jahon chempionati nihoyasiga yetdi. Musobaqaning so’nggi kunida hamyurtlarimizdan Omadillo Olimov (+102 kg) uch yo’nalishning barchasida kumush medallarga sazovor bo’ldi.
Kumush: dast ko’tarish (150 kg)
Kumush: siltab ko’tarish (195 kg)
Kumush: ikki kurash (345 kg)
Shu tariqa, yosh atletlarimiz dunyo birinchliginini 2 ta oltin, 6 ta kumush va 4 ta bronza medallari bilan yakunlashdi.
O’zbekiston Milliy Olimpiya qo’mitasi ushbu natija bilan yosh sportchilarimiz va ularning murabbiylari, mamlakat og’ir atletika federatsiyasini samimiy qutlaydi.
