Kamondan otish boʻyicha Oʻzbekiston terma jamoasi Janubiy Koreyaning Yechxon shahrida tashkil etilayotgan Jahon kubogi bosqichidagi ishtirokini yakunladi. Afsuski, unda hamyurtlarimiz shohsupaga koʻtarila olmagan boʻlsalarda, Amirxon Sodiqovning yakkalik dasturidagi ishtiroki koʻplab mutaxassislar nazariga tushdi.

Hamyurtimiz ikkinchi davrada Tokio-2020 yozgi Olimpiya oʻyinlari chempioni turkiyalik Mete Gazozni magʻlubiyatga uchratishga erishdi. Uchinchi bosqichda fransiyalik nomdor sportchi Baptist Addisga bilan bellashgan Sodiqov qoʻshimcha oʻq uzishlarda imkoniyatni boy berib qoʻydi.

Jamoamiz endi 3-8-iyun kunlari Suvon shahrida oʻtadigan Osiyo kubogiga hozirlik koʻradi. Qayd etish joiz, mazkur musobaqalar merganlarimiz uchun kelasi oy Turkiyada oʻtadigan Parij-2024 ning soʻnggi litsenzion turniriga tayyorgarlik vazifasini oʻtab beradi.