24 May 2024
519
Dzyudochilarimiz BAAdagi jahon chempionatini ikkita medal bilan yakunlashdi
BAAning Abu-Dabi shahrida dzyudo boʻyicha jahon chempionati nihoyasiga yetdi. Unda qatnashgan Oʻzbekiston terma jamoasi musobaqani ikkita medal bilan yakunladi.
Bugun aralash jamoaviy dasturda qatnashgan sportchilarimiz uchinchi oʻrin uchun bahsda Italiyaga imkoniyatni boy berishdi. Shu tariqa, musobaqa hamyurtlarimiz uchun Diyora Keldiyorovaning (-52 kg) kumush va Alisher Yusupovning (+100 kg) bronza medali bilan nihoyasiga yetdi.
Oʻzbekiston Milliy Olimpiya qoʻmitasi ushbu natija bilan sportchi va murabbiylarimizni, mamlakat dzyudo federatsiyasini qutlab, jamoamizga Parij-2024 yozgi Olimpiya oʻyinlarida ulkan muvaffaqiyat tilaydi.
