BAA poytaxtida dzyudo boʻyicha jahon chempionatining yakkalik bellashuvlari oʻz yakuniga yetdi. Bugun ishtirok etgan Oʻzbekiston terma jamoasi aʼzosi Alisher Yusupov +100 kg vazn toifasida bronza medalini qoʻlga kiritdi. Hamyurtimiz uchinchi oʻrin uchun bahsda 2022-yilgi jahon chempioni kubalik Endi Grandani magʻlubiyatga uchratishga erishdi va ikkinchi bor dunyo birinchiligining bronza medali bilan taqdirlandi.

Shu tariqa, dzyudochilarimiz yakkalik bahslarini 1 tadan kumush va bronza medallari bilan yakunlashdi. Ertaga sportchilarimiz aralash jamoaviy dasturda kurash olib borishadi.