23-may – 3-iyun kunlari Tailandning Bangkok shahrida Parij-2024 yozgi Olimpiya oʻyinlariga yoʻllanma beruvchi boks boʻyicha 2-jahon litsenzion turniri boʻlib oʻtadi. Unda ishtirok etadigan Oʻzbekiston ayollar terma jamoasi Bangkok safariga yoʻl oldi.

Eslatib oʻtamiz, erkaklar terma jamoamiz ayni paytgacha toʻliq tarkibda va yana 3 nafar bokschi qizimiz litsenziya olib ulgurishgan boʻlib, ushbu sport turidagi yoʻllanmalarimiz hozircha 10 tani tashkil etadi. Kuni kecha, Parij-2024 tashkiliy qoʻmitasi Sitora Turdibekovaning -57 kg vazn toifasida Olimpiada ishtirokchisiga aylanganini tasdiqlagan edi. Shu bois, Tailand turnirida quyidagi 3 nafar hamyurtimiz Olimpiya oʻyinlari yoʻllanmalari uchun jang qilishadi:

-60 kg: Rashida Tagirova
-66 kg: Navbahor Hamidova
-75 kg: Aziza Zokirova