Ogʻir atletika boʻyicha Oʻzbekiston terma jamoasi shu kunlarda Gruziyaning Bakuriani shahrida oʻquv-mashgʻulot yigʻinini olib bormoqda. 24-mayga qadar davom etadigan mashgʻulotlarda 10 nafar sportchi ishtirok etmoqda.

Bosh murabbiy Bahrom Mendiboyevga koʻra, yigʻinda koordinatsiyani nazorat qilish, maxsus texnik harakatlarni takomillashtirishga ahamiyat berilmoqda. Mashgʻulotlar terma jamoa uchun joriy yil kutib turgan Parij-2024 yozgi Olimpiya oʻyinlari, Jang sanʼati va yopiq inshootlardagi Osiyo oʻyinlari, turli yosh toifalaridagi jahon chempionati va boshqa musobaqalarga tayyorgarlik vazifasini bajarib beradi.