Gimnastikachi yigitlarimiz Osiyo chempionatida 6 ta medalga sazovor bo‘lishdi
16-19-may kunlari Toshkent mezbonlik qilgan sport gimnastikasi boʻyicha erkaklar oʻrtasidagi Osiyo chempionati oʻz yakuniga yetdi. Yoshlar va kattalar oʻrtasida tashkil etilgan musobaqada hamyurtlarimiz 3 ta kumush va 3 ta bronza medallarini jamgʻarishdii.
Ushbu medallar orasida Abdulla Azimovning bronza medali unga Parij-2024 yozgi Olimpiya oʻyinlari yoʻllanmasini taqdim etgani, yigitlarimizning jamoaviy dasturdagi kumush medali esa mazkur yoʻnalishda qoʻlga kiritilgan dastlabki medal boʻlgani bilan yodda qoldi. Barcha sovrindorlar:
Kumush medal:
Jamoaviy koʻpkurash, kattalar (Abdulla Azimov, Rasuljon Abdurahimov, Abdulaziz Mirvaliyev, Oʻtkirbek Joʻrayev, Habibullo Ergashev);
Abdulaziz Mirvaliyev, kattalar (tayanib sakrash);
Abdulla Azimov, kattalar (sport oti).
Bronza medal:
Abdulla Azimov, kattalar (koʻpkurash);
Sarvar Abulfayzov, yoshlar (tayanib sakrash);
Rasuljon Abdurahimov, kattalar (parallel brus).
