Vetnamning Danang shahrida taekvondo WT bo‘yicha Osiyo chempionati o‘z yakuniga yetdi. Musobaqaning so‘nggi kunida ham O‘zbekiston terma jamoasi muvaffaqiyatli ishtirok etib, 1 ta oltin va 2 ta bronza medallarini qo‘lga kiritdi.

-80 kg vazn toifasida ishtirok etgan Jasurbek Jaysunov barcha raqiblarini mag‘lub etib, ketma-ket ikkinchi bor Osiyo chempionligini rasmiylashtirgan bo‘lsa, Svetlana Osipova (+73 kg) hamda Diyorbek To‘xliboyev (-68 kg) o‘z hisoblariga bronza medallarini yozdirib qo‘yishdi. Musobaqa g‘olib va sovrindorlarini eslab o‘tamiz:

Oltin medal:
-80 kg: Jasurbek Jaysunov

Kumush medal:
-62 kg: Feruza Sodiqova

Bronza medal:
-54 kg: Jahongir Xudoyberdiyev
-68 kg: Diyorbek To‘xliboyev
-74 kg: Najmiddin Qosimhojiyev
-73 kg: Gulsanam Alijonova
+73 kg: Svetlana Osipova

Shu tariqa, O‘zbekiston terma jamoasi musobaqada 1 ta oltin, 1 ta kumush va 5 ta bronza medallarini qo‘lga kiritdi va umumjamoa hisobida uchinchi o’rinni egalladi.

O‘zbekiston Milliy Olimpiya qo‘mitasi jamoamizni ushbu muvaffaqiyat bilan qutlab, sportchilarimizga kelgusi turnirlarda ham omad tilaydi.