Futbol boʻyicha Oʻzbekiston olimpiya terma jamoasining Parij-2024 yozgi Olimpiya oʻyinlari oldidan oʻtkazadigan yana bir oʻrtoqlik uchrashuvidagi raqibi aniq boʻldi. Oʻzbekiston futbol assotsiatsiyasining maʼlum qilishicha, Timur Kapadze shogirdlari boʻlajak musobaqa oldidan Yangi Zelandiya bilan kuch sinashadi.

Oʻyin 18-iyul kuni Nitsa shahrida boʻlib oʻtadi. Eslatib oʻtamiz, bungacha jamoamizning 7 va 10-iyun kunlari Toshkentda Mali bilan 2 ta oʻrtoqlik bahsini oʻtkazishi maʼlum qilingan edi.