Sport gimnastikasi boʻyicha Oʻzbekiston ayollar terma jamoasi ayni kunlarda Xitoyning Shanxay shahrida oʻquv-mashgʻulot yigʻinida ishtirok etmoqda. 19-mayga qadar davom etadigan ushbu mashgʻulotlar 24-26-may kunlari Toshkentda oʻtadigan litsenzion Osiyo chempionatiga tayyorgarlik vazifasini oʻtab beradi.

Yigʻinga 5 nafar sportchi jalb etilgan. Hamyurtlarimiz mahalliy sportchilar bilan oʻtayotgan mashgʻulotlarda oʻz mahoratlarini oshirib, yangi elementlar ustida ishlashmoqda.