Markaziy Osiyo ochiq chempionatida yengil atletikachilarimiz birinchi boʻlishdi
Toshkentda yengil atletika boʻyicha Markaziy Osiyo ochiq chempionati oʻz yakuniga yetdi. Musobaqaning ikkinchi kunida Oʻzbekiston terma jamoasi 7 ta oltin, 13 ta kumush va 12 ta bronza medallariga sazovor boʻldi. Yakunda 18 ta oltin, 28 ta kumush va 23 ta bronza medallarini jamgʻargan hamyurtlarimiz umumjamoa hisobida birinchi oʻrinni qoʻlga kiritishdi.
Ikkinchi kun bahslarida yurtdoshimiz Elina Silyamiyeva bosqon uloqtirish sektorida 70.74 natija qayd etib, mamlakat rekordini yangilashga muvaffaq boʻldi. Shuningdek, Sharifa Davronova, Hasan Mirsoatov, Sanjar Ashurov, Nargiza Qoʻchqorova, Sabohat Samijonova va Nodir Norboyev kabi atletlarimiz ham oʻz dasturlarida shohsupaning eng yuqori pogʻonasidan joy olishdi. Batafsil:
Oltin medal:
Hasan Mirsoatov (5000 metr)
Elina Silyamiyeva (bosqon uloqtirish)
Sanjar Ashurov (200 metr)
Nargiza Qoʻchqorova (nayza uloqtirish)
Sabohat Samijonova (800 metr)
Sharifa Davronova (uch hatlab sakrash)
Nodir Norboyev (koʻkurash)
Kumush medal:
Nodir Mutalipov (5000 metr)
Zarina Nosirjonova (bosqon uloqtirish)
Laylo Allaberganova (200 metr)
Mahliyo Tojaliyeva (nayza uloqtirish)
Namozbek Bobomurodov (800 metr)
Irina Levina (800 metr)
Yekaterina Tunguskova (10 000 metr)
Xushnoza Shavkatova (uch hatlab sakrash)
Safina Sadullayeva (balandlikka sakrash)
Mohigul Arziyeva (koʻpkurash)
Zahriddin Shokirov (koʻpkurash)
4x400 metr aralash estafeta yugurish
Nurxon Ochilova (400 metr, toʻsiqlar osha)
Bronza medal:
Otabek Toshquvatov (5000 metr)
Darya Matveyenko (bosqon uloqtirish)
Ivan Denisov (uch hatlab sakrash)
Yekaterina Voronina (nayza uloqtirish)
Aliakbar Allanazarov (800 metr)
Shohsanam Xurramova (10 000 metr)
Roksana Xudoyorova (uch hatlab sakrash)
Aleksandra Sharkayeva (balandlikka sakrash)
Abdulloh Abduqahhorov (koʻpkurash)
4x100 metr estafeta yugurish, ayollar
4x100 metr estafeta yugurish, erkaklar
Veronika Loginova (400 metr, toʻsiqlar osha)
