13 May 2024
492
Baydarka va kanoechilarimiz Tuyabo‘g‘izda tayyorgarlikni davom ettirishmoqda
Baydarka va kanoeda eshkak eshish boʻyicha Oʻzbekiston terma jamoasi Tuyaboʻgʻiz suv omborida navbatdagi oʻquv-mashgʻulot yigʻinini olib bormoqda. 19-mayga qadar koʻzda tutilgan yigʻin litsenziat atletlarimizga Parij-2024 yozgi Olimpiya oʻyinlariga tayyorgarlik vazifasini bajarib beradi.
Mashgʻulotlarni vengriyalik mutaxassis Natasha Douchev-Yanich olib bormoqda. Eslatib oʻtamiz, terma jamoamiz aʼzolaridan kanoe bahslarida Nilufar Zokirova, baydarkada Yekaterina Shubina hamda Shaxriyor Mahkamov 4 yillikning eng nufuzli musobaqasida ishtirok etish huquqini qoʻlga kiritgan edi.
