Saytning eski versiyasi

Bugun Turkiyada sport kurashlari boʻyicha jahon litsenzion turniri oʻz yakuniga yetadi. Soʻnggi kun dasturida Oʻzbekiston terma jamoasi aʼzolaridan Magomed Ibragimov (-97 kg) hamda Hasanboy Rahimov oʻz vazn toifalaridagi soʻnggi yoʻllanmalar uchun kurash olib borishadi.

Har ikki kurashchimiz saralash bosqichida imkoniyatni boy berishgan edi. Ularni magʻlubiyatga uchratgan raqiblari final bosqichiga yetib borgani bois, hamyurtlarimizda soʻnggi litsenziya uchun imkoniyat paydo boʻldi. Buning uchun ular dastlab oʻtish bosqichi, soʻng bronza medali uchun bahs va yakunda har ikki uchinchi oʻrin egalari oʻrtasidagi kurashda gʻalaba qozonishlari talab etiladi.