Bugun Qozogʻistonda dzyudo boʻyicha Astana “Katta dubulgʻa” turnirining ikkinchi kun bellashuvlari boʻlib oʻtadi. Oʻrta vazn toifasida kechadigan bahslarda Oʻzbekiston terma jamoasining besh nafar aʼzosi medallar uchun kurash olib boradi. Ular musobaqani quyidagi raqiblariga qarshi boshlashadi:

-73 kg: Muhammadyahyo Muhammadjonov – Musa Shabdanbekov (Qirgʻiziston) / Dastan Shayaxmetov (Qozogʻiston)
-81 kg: Sharofiddin Boltaboyev – Teodoros Demoursidis (Gretsiya) / Dominik Ressel (Germaniya)
-81 kg: Nurbek Murtazoyev – Madi Amangeldi (Qozogʻiston) / Alan Xubetsov (Neytral sportchi)
-70 kg: Gulnoza Matniyazova – Fidan Ogel (Turkiya)
-70 kg: Shohista Nazarova – Eboni Daley (Yamayka)

Kecha ishtirok etgan hamyurtlarimizdan faqatgina Shukurjon Aminova (-57 kg) bronza medali uchun kurashish bosqichigacha yetib bordi. Biroq unda yaponiyalik Xaruka Funakuboga imkoniyatni boy berdi.