30 Aprel 2024
597
Yosh xokkeychilarimiz chempionlikni munosib himoya qilishdi
23-aprel kuni mamlakatimizda start olgan xokkey bo‘yicha Osiyo-Okeaniya chempionati o‘z yakuniga yetdi. Quvonarlisi, 10 ta jamoa qatnashgan chempionatning amaldagi g‘olibi sifatida ishtirok etgan O‘zbekiston U18 terma jamoasi qatorasiga ikkinchi bor bosh sovrinni qo‘lga kiritishga muvaffaq bo‘ldi.
Hamyurtlarimiz final bahsida tailandlik tengqurlarini 2:1 hisobida mag‘lubiyatga uchratishga erishishdi. Uchinchi o’rin esa Mo’g’uliston jamoasiga nasib etdi.
O‘zbekiston Milliy Olimpiya qo‘mitasi yosh xokkeychilarimizning qo‘lga kiritgan navbatdagi g‘alabasi bilan muborakbod etib, ularning kelgusi faoliyatida ham mana shunday zafarlar tilab qoladi.