Timur Kapadze boshchiligidagi futbolchilarimiz Parijda yurtimiz sharafini himoya qilishadi!

Futbol bo’yicha U23 Osiyo kubogi, 1/2 final

 Indoneziya 0 – 2 Oʻzbekiston 

 H.Norchayev 69', Arxan (avtogol 86')

Bugungi sana yurtimiz sporti tarixiga zarhal harflar bilan bitiladi. Qatar maydonlarida oʻtayotgan U23 Osiyo kubogining yarim finalida Indoneziyani 2:0 hisobida magʻlubiyatga uchratgan futbol boʻyicha Oʻzbekiston olimpiya terma jamoasi oʻz tarixida ilk bor yozgi Olimpiya oʻyinlari yoʻllanmasiga sazovor boʻldi. Shu tariqa Timur Kapadze boshchiligidagi olimpiyachilarimiz uzoq kutilgan Olimpiada yoʻllanmalariga ega boʻlishmoqda. Barakalla, yigitlar. Biz Sizlar bilan faxrlanamiz! Butun o’zbek xalqiga bayram muborak!