Bahodir Maxsitov boshchiligidagi faxriylar samarqandlik yosh sportchilar bilan uchrashdi
Oʻzbekiston sport faxriylari kengashi tashabbusi bilan yoshlarni vatarparvarlik ruhida tarbiyalash maqsadida turli uchrashuvlar tashkil etib kelinadi. Ulardan biri Kengash raisi Bahodir Maxsitov boshchiligida Samarqand viloyatida oʻtkazildi.
Safar davomida B.Maxsitovga viloyat sport faxriylari kengashi raisi Hamroqul Rafiyev hamrohlik qildi. Nuroniylar viloyatdagi yakkakurash turlariga ixtisoslashgan sport maktabida boʻlib, u yerda tahsil olayotgan yoshlar va ularning murabbiylari bilan dildan suhbatlashishdi.
Uchrashuv chogʻida sportimiz fidoyilari hozirda davlatimiz tomonidan yosh avlod uchun cheksiz imkoniyatlar eshigi ochilgani, ulardan unumli foydalanishlari lozimligini bildirishdi. B.Maxsitov terma jamoamiz aʼzolarinnig, xususan, samarqandlik atletlarning Parij-2024 yozgi Olimpiya oʻyinlariga qanday sharoitlarda tayyorgarlik koʻrishayotgani haqida gapirib, yoshlarni ularga oʻxshagan yetuk sportchi boʻlib yetishishlarini tiladi.
