Bugun BAAning Fujayra shahrida qilichbozlik bo’yicha Osiyo-Okeaniya litsenzion turniri o’z nihoyasiga yetadi. Ushbu kun dasturida O’zbekiston terma jamoasi a’zolaridan Xanchjou-2022 Osiyo o’yinlari sovrindori Dilnaz Murzatayeva shpaga, shuningdek, Muhammadyusuf Asranov rapira dasturida Parij-2024 yo’llanmalari uchun kurash olib borishadi.

Eslatib o’tamiz, mazkur musobaqada faqat g’olib qilichbozlar Olimpiada litsenziyalariga ega bo’lishadi. Afsuski, kechagi bahslarda yurtdoshlarimizga ozgina omad yetishmadi. Javohir Nurmatov shpagada kumush, Musa Aymuratov esa sablyada bronza medali bilan cheklanishdi.