Sportchilar UZBEKISTAN PREMIUM CUP musobaqasida bellashishdi
Toshkentda ot sportining konkur yoʻnalishi boʻyicha “FEI JUMPING WORLD CUP EURASIAN LEAGUE” musobaqasi doirasida UZBEKISTAN PREMIUM CUP bahslari boʻlib oʻtdi. Unda sportchilar ikki dasturda gʻoliblik uchun kurash olib borishdi.
Balandligi 120 smni tashkil etgan toʻsiqlardan sakrash bahslarida Sergey Antonovich (“Gayanto” laqabla otda, Belarus), Ashrafjon Neʼmatov (“Suite and saure”, Oʻzbekiston) va Nurilla Turisbekov (“Hikstid boy”, Qozogʻiston) mos ravishda oltin, kumush va bronza medallarini boʻlishib oldilar. 125 smli dasturda esa yurtdoshimiz Alisher Erkinov “Cool dancer” laqabli otda oltin, “Prince cornet” bilan esa bronza medaliga ega chiqqan boʻlsa, yana bir hamyurtimiz Xurshidbek Alimjonov “Cornets crack” tulporida kumush medal bilan taqdirlandi.
