MOQ matbuot xizmati yana bir Parij-2024 litsenziati bilan tanishtiradi. Bu gal zamonaviy beshkurash boʻyicha Oʻzbekiston terma jamoasi aʼzosi Alise Faxrutdinova haqida batafsil suhbatlashamiz.

Faxrutdinova Alise Nailevna 1990-yil 23-fevral kuni Rossiyaning Moskva shahrida tugʻilgan. Boʻlajak Olimpiya oʻyinlariga murabbiyi Muhammed Okashi bilan tayyorgarlik koʻrmoqda. 2009-yil yoshlar oʻrtasida jahon chempionligini qoʻlga kiritgan. 2013-yilgi dunyo birinchiligida esa estafeta yoʻnalishida bronza medali sohibi boʻldi. 2019-yildan Oʻzbekiston terma jamoasi sharafini himoya qilib kelmoqda. Shu yilning oʻzida Osiyo chempionatining mikst dasturida bronza medalini qoʻlga kiritgan. Tokio-2020 yozgi Olimpiya oʻyinlari ishtirokchisi.

Xanchjou-2022 yozgi Osiyo oʻyinlaridagi muvaffaqiyatli ishtiroki orqali Parij-2024 yozgi Olimpiya oʻyinlariga yoʻllanma olgan.