27-28-aprel kunlari BAAning Fujayra shahrida qilichbozlik boʻyicha Osiyo-Okeaniya mintaqasi uchun Parij-2024 yozgi Olimpiya oʻyinlariga yoʻllanma beruvchi turnir boʻlib oʻtadi. Sablya boʻyicha Oʻzbekiston terma jamoasi aʼzosi Zaynab Dayibekova Olimpiadaga reyting orqali yoʻllanma olgani bois musobaqada 5 nafar hamyurtimiz ishtirok etadi. Terma jamoa murabbiylar shtabi mazkur musobaqa uchun quyidagi qilichbozlarni jalb qilgan:

Sablya: Musa Aymuratov
Shpaga: Dilnaz Murzatayeva va Javohir Nurmatov
Rapira: Umida Ilyasova va Muhammadyusuf Asranov

Eslatib oʻtamiz, mazkur turnirda faqatgina birinchi oʻrin egalari Parij-2024 ishtirokchilari qatoriga kira oladi.