Haftani yana bir ajoyib yangilik bilan qarshi olamiz. Xalqaro gimnastika federatsiyasi sport gimnastikasi boʻyicha Jahon kubogi bosqichlarining yakuniga koʻra Parij-2024 yozgi Olimpiya oʻyinlariga yoʻllanma olgan atletlar nomini eʼlon qildi. Unga koʻra, hamyurtimiz Rasuljon Abdurahimov parallel brus yoʻnalishidagi muvaffaqiyatli ishtiroki orqali faoliyatidagi ikkinchi Olimpiya oʻyinlarida ishtirok etish huquqini qoʻlga kiritdi.