Janubiy Koreyaga yuzlanamiz. Chxundju shahrida oʻtayotgan akademik eshkak eshish boʻyicha Osiyo litsenzion turnirida Olimpiada yo’llanmalari o’z egalarini topmoqda. Ayollar o’rtasida kechgan yakkalik dasturda Anna Prakaten Oʻzbekiston delegatsiyasi hisobiga Parij-2024 Olimpiya oʻyinlari uchun 33-yoʻllanmani taqdim qildi. Xanchjou-2022 Osiyo oʻyinlari chempioniga boʻlajak Olimpiadada ham muvaffaqiyatli ishtirok etishini tilab qolamiz.