Aziz obunachilarimizga Parij-2024 litsenziatlari haqida maʼlumot berishda davom etamiz. Loyihamizning bugungi qahramoni yunon-rum kurashi ustasi Islomjon Bahromov boʻladi.

Islomjon Ismoiljon oʻgʻli Bahromov 1995-yil 17-iyul kuni Samarqand viloyatida tugʻilgan. Respublika Olimpiya zaxiralari kolleji tarbiyalanuvchisi. 2014-yildan turli yosh toifalaridagi musobaqalarda Oʻzbekiston terma jamoasi sharafini himoya qilib kelmoqda. Murabbiylari Ravshan Roʻziqulov va Elmurat Tasmuradov. 2017-yil Ozarbayjonda oʻtgan Islom birdamligi oʻyinlarining kumush, Turkmaniston mezbonlik qilgan Jang sanʼati va yopiq inshootlardagi Osiyo oʻyinlarining bronza medali sohibi. Qitʼa birinchiliklarida 1 ta oltin va 2 ta bronza medallariga sazovor boʻlgan.

2023-yil Serbiyada oʻtgan jahon chempionatida -60 kg vazn toifasida bronza medalini qoʻlga kiritib Parij-2024 yozgi Olimpiya oʻyinlari yoʻllanmasiga ega boʻlgan.