Qatarda oʻtayotgan sport gimnastikasi boʻyicha Jahon kubogining toʻrtinchi bosqichi hal qiluvchi pallaga kirmoqda. Bugundan turli yoʻnalishlarda final bahslari oʻtkaziladi.

Saralashdan muvaffaqiyatli oʻtgan Oksana Chusovitina tayanib sakrash, Abdulaziz Mirvaliyev esa erkin mashq dasturining final bosqichida ishtirok etadi. Qayd etish joiz, kecha oʻtgan kvalifikatsiyada Rasuljon Abdurahimov 14.900 ball bilan parallel brus yoʻnalishida final yoʻllanmasini qoʻlga kiritdi. Uning hal qiluvchi bosqichdagi ishtiroki ertaga belgilangan.