Bilasizmi, bundan roppa-rosa 112-yil muqaddam Atlantika okeaniga gʻarq boʻlgan “Titanik” kemasi bortida tennis boʻyicha boʻlajak Olimpiya oʻyinlari chempioni amerikalik Richard Uilyams ham boʻlgan.

Uilyams halokatda omon qolgan kam sonli insonlardan biri edi. Sportchi ham ruhiy, ham jismoniy jihatdan oʻzini tiklab olgach yana mashgʻulotlarga qaytadi. Richard Parij-1924 VIII yozgi Olimpiya oʻyinlarida hamyurti Xeyzel Uaytmen bilan mikst dasturida oltin medalni qoʻlga kiritgan.