10 Iyun 2021
1862
Gulnoza Matniyazova hamda Davlat Bobonovning jahon chempionatidagi ishtiroki boshlanmoqda
Budapesht shahrida dzyudo bo‘yicha jahon chempionati davom etadi. Musobaqaning beshinchi kuni doirasida erkaklar -90 kg, ayollar -70 kg vazn toifasida bahs olib borishadi.
Bugun vakillarimizning ishtirokini Gulnoza Matniyazova germaniyalik Jovanna Skokkimarroga qarshi bellashuv bilan boshlaydi. Davlat Bobonov esa musobaqaga ikkinchi davradan qo‘shiladi. Yurtdoshimiz Yuri Mokanu (Moldova) hamda Sanshiro Murao (Yaponiya) juftligining g‘olibi bilan bahs olib boradi.
Maʼlumot uchun, kecha musobaqada ishtirok etgan Sharofiddin Boltaboyev (-81 kg) bronza medali uchun kurashda imkoniyatni boy bergan. Bugun kurashayotgan vakillarimizga omad tilab qolamiz.
