3 Aprel 2024
320
Dzyudo bo‘yicha Osiyo ochiq kubogi yaqin
Maʼlumki, har yili aprel oyida Toshkent shahrida anʼanaviy tarzda dzyudo boʻyicha oʻsmirlar va yoshlar oʻrtasidagi Osiyo ochiq kubogi oʻtkazib kelinadi. Joriy yilgi bahslar 11-14-aprel kunlariga belgilandi.
Ushbu musobaqada oʻz vaqtida Davlat Bobonov, Muzaffarbek Toʻraboyev, Alisher Yusupov va boshqa koʻplab taniqli polvonlar kurashgan. Mazkur turnir oʻsmirlar va yoshlar terma jamoalari tarkibini qayta shakllantirib olish, iqtidorli yoshlarni koʻzdan kechirish imkoniyatini taqdim qiladi. Bellashuvlarga “Universal” sport majmuasi mezbonlik qiladi.
