Yengil atletika boʻyicha Oʻzbekiston terma jamoasi aʼzolari shu kunlarda Turkiyaning Belek shahrida oʻquv-mashgʻulot yigʻinini oʻtkazayotgani haqida maʼlum qilgan edik. Bugundan sportchilarimiz yigʻin doirasida sprinterlik yoʻnalishida yulduz atletlardan biri, 200 metrga yugurish boʻyicha 2017-yilgi jahon chempioni turkiyalik Ramil Guliyev bilan mahorat saboqlarini boshlashdi.

Rejaga koʻra, master-klass 4 kun davom etadi. Unda taniqli atlet mashgʻulotlar jarayonida eʼtibor qaratish muhim boʻlgan jihatlar, tiklanish jarayonlaridagi oʻziga xos mashqlar, psixologiya va diyetologiya yoʻnalishlaridagi bilimlari bilan oʻrtoqlashadi.