Dzyudo bo‘yicha O‘zbekiston terma jamoasi Antalya “Katta dubulg‘a” turnirida o‘zining dastlabki medaliga ega chiqdi. -73 kg vazn toifasida yurtimiz sharafini himoya qilgan Shahram Ahadov bronza medaliga sazovor bo‘ldi.

Hamyurtimiz uchinchi o‘rin uchun kechgan bahsda tojikistonlik Abubakr Sherovdan ustun keldi. Bu natija Ahadovga jahon va Parij-2024 Olimpiadasi reytingi uchun 500 ochko taqdim etadi. Eslatib o’tamiz, bungacha hamyurtimiz hisobida “Katta dubulg’a” turnirlarida 1 ta oltin va 4 ta bronza medallari bor edi.