9 Iyun 2021
2163
Serik Mirbekovni tabriklaymiz!
Bugun kanoeda eshkak eshish bo'yicha taniqli o'zbek sportchisi Serik Mirbekov o'zining tug'ilgan kunini nishonlamoqda.
Serik Mirbekov 1988-yil 9-iyunda Toshkent viloyatida tug'ilgan. 11-yildan buyon bu sport bilan shug'ullanadi. Osiyo o'yinlarida Guanchjou-2010 juftlikda oltin, Incheon-2014 va Jakarta-Palembang-2018 musobaqalarida bronza medalini qo'lga kiritdi. Rio-2016 Olimpiadasida Gerasim Kochnev bilan birga mamlakat sharafini himoya qildi. 2011 yilda "Shuhrat" medali bilan taqdirlangan.
O'zbekiston Milliy Olimpiya qo'mitasi Serik Mirbekovni tug'ilgan kuni bilan tabriklaydi, unga mustahkam sog'liq va farovonlik tilaydi.
