Maʼlumki, Toshkent anʼanaviy ravishda badiiy gimnastika boʻyicha Jahon kubogi bosqichlariga mezbonlik qilib keladi. Bu yil ham poytaxtimiz oʻzida dunyoning eng kuchli gimnastika ustalarini jamlaydi.

Jahon kubogining 4-bosqichi 26-28-aprel kunlariga belgilangan. Mazkur musobaqada 40 ga yaqin mamlakatdan 100 nafardan ziyod sportchi ishtirok etishi kutilmoqda. Turnir Parij-2024 yoʻllanmasi sohiblari uchun boʻlajak Olimpiya oʻyinlariga, shuningdek, boshqa sportchilarga may oyida Toshkentda oʻtadigan litsenzion Osiyo chempionatiga tayyorgarlik vazifasini bajarib beradi.