Ular Parij-2024 yo‘llanmalari uchun kurashishadi
15-16-mart kunlari Xitoyning Tayan shahrida taekvondo WT bo’yicha Parij-2024 yozgi Olimpiya o’yinlariga yo’llanma beruvchi litsenzion musobaqa bo’lib o’tadi. Osiyo mintaqasi vakillari uchun tashkil etiladigan ushbu turnirda qatnashuvchi O’zbekiston terma jamoasi Xitoyga yetib bordi.
Ma’lumki, taekvondochilarimiz Ulug’bek Rashitov (-68 kg) va Svetlana Osipova (+67 kg) reyting orqali Olimpiada yo’llanmalariga ega chiqishgan edi. Reglamentga ko’ra, terma jamoamiz ushbu turnirda bir nafardan erkak va ayol sportchilarni ro’yxatdan o’tkazishi mumkin. Murabbiylar shtabining qaroriga binoan musobaqada Jasur Jaysunov -80 kg va Ozoda Sobirjonova -67 kg vazn toifalarida Parij-2024 litsenziyalari uchun jang qilishadi.
Bo’lajak bahslarda hamyurtlarimizga omad tilaymiz!
