Italiyadan xushxabar davom etadi. Boks boʻyicha Xanchjou-2022 Osiyo oʻyinlari bronza medali sohibi Toʻrabek Habibullayev Parij-2024 yozgi Olimpiya oʻyinlarining yoʻllanmasini naqd qildi. -80 kg vazn toifasida ishtirok etgan hamyurtimiz Olimpiada litsenziyasi uchun kechgan bahsda kolumbiyalik Xuan Ortisdan ustun kelib, 4-yillikning eng nufuzli musobaqasi ishtirokchilari qatoridan joy oldi.