8-10-mart kunlari Malayziyaning Sandakan shahrida regbi-7 boʻyicha “Borneo Sevens” xalqaro turniri boʻlib oʻtdi. Unda Belgiya, Avstraliya, Hindiston, Malayziya, Indoneziya, Yangi Zelandiya, Singapur va Oʻzbekiston davlatlarining jamoalari ishtirok etdi.

Yakunda hal qiluvchi bahsda mezbonlarga imkoniyatni boy bergan Oʻzbekiston ayollar terma jamoasi kumush medal bilan taqdirlandi. Yigitlarimiz esa turnirni toʻrtinchi oʻrinda yakunlashdi.