Boks boʻyicha Oʻzbekiston terma jamoasi aʼzosi Aziza Zokirova litsenzion turnirdagi ishtirokini gʻalaba bilan boshladi. -75 kg vazn toifasida ishtirok etayotgan yurtdoshimiz hozirgina yakunlangan jangda tailandlik Baison Manikonni musobaqadan chiqarib yubordi. Afsuski, -60 kg vazn toifasida qatnashgan Rayhon Qodirova germaniyalik Maria Ganglbauyerga ochkolar hisobida imkoniyatni boy berdi.