Tailandning Rayong shahrida slalomda eshkak eshish boʻyicha Osiyo chempionati boshlandi. Musobaqaning ilk kunida Oʻzbekiston terma jamoasi bittadan kumush va bronza medallarini jamgʻardi.

Kumush medalni baydarka slalomida jamoaviy dasturda qatnashgan U23 yosh toifasidagi yigitlarimiz (Shahobiddin Boltaboyev, Samandar Saʼdullayev, Doniyor Islomov) qoʻlga kiritishdi. Shuningdek, kanoe slalomida kattalar oʻrtasidagi bahsda sportchilarimiz (Alibek Temirgaliyev, Abubakr Bukanov, Dostonbek Jumaboyev) shohsupaning uchinchi pogʻonasidan joy olishdi.