2 Mart 2024
468
Zaynab Dayibekova Jahon kubogida ishtirok etmoqda
Gretsiya poytaxtida qilichbozlikning sablya yoʻnalishi boʻyicha ayollar oʻrtasida Jahon kubogi bosqichi boʻlib oʻtmoqda. Unda Zaynab Dayibekova Oʻzbekiston terma jamoasi sharafini himoya qilyapti.
Hamyurtimiz jahon reytingida kuchli 16 talikdan joy olgani uchun kechagi saralash bellashuvlarini oʻtkazib yubordi. Bugun u 1/32 final bosqichidan bahslarga kirishadi. Unda yurtdoshimizga janubiy koreyalik Xayeun Xong raqiblik qiladi. Dayibekova ushbu raqib toʻsigʻidan oʻta olsa, keyingi davrada Saossen Budiaf (Jazoir) hamda Irene Vechchi (Italiya) juftligi gʻolibiga qarshi jang qiladi.
