Yurtimizga bahor nafasi bilan birga futbol havosi ham kirib kelmoqda. Bugun futbol boʻyicha Oʻzbekiston Superligasining yangi mavsumi start oladi. MOQ qoshida tashkil etilgan “Olimpik” klubi oldida masʼuliyatli yil kutib turibdi. Zero, bir necha haftadan keyin Oʻzbekiston Olimpiya terma jamoasining asosini tashkil etuvchi klubimiz yigitlari Qatar yashil maydonlarida Parij-2024 Olimpiya oʻyinlari yoʻllanmasi uchun kurash olib boradi.

Bugun “Olimpik” Superliganing 1-tur uchrashuvida maydonga tushadi. Jamoamiz ilk turni safarda mamlakatimizning nomdor klublaridan biri “Nasaf”ga qarshi oʻtkazadi. Boʻlajak oʻyin va butun mavsumda yigitlarimizga omad yor boʻlsin!

 Superliga. 1-tur

 Nasaf – Olimpik 

 19:15, 1-mart

 "Markaziy" stadioni, Qarshi