Filippinda oʻtayotgan suv sporti turlari boʻyicha yosh guruhlari oʻrtasidagi Osiyo chempionatida suzish bahslari yakunlandi. Bugungi kun dasturida Oʻzbekiston terma jamoasi aʼzosi Eldor Usmonov yana bir kumush medalni qoʻlga kiritdi.

Hamyurtimiz bu gal 50 metrga batterflyay usulida suzish yoʻnalishida kumush medalga ega chiqdi. Suzuvchimiz finalda 23.59 soniya natija qayd etdi. Eslatib oʻtamiz, Usmonov 50 metrga erkin va 100 metrga batterflyay usulida suzish dasturlarida ham marraga ikkinchi boʻlib yetib kelgan edi.