29 Fevral 2024
362
Regbichilarimiz Malayziyada shug‘ullanishmoqda
Ayni kunlarda regbi-7 boʻyicha Oʻzbekiston erkaklar va ayollar terma jamoalari Malayziyaning Sandakan shahrida xalqaro oʻquv-mashgʻulot yigʻinini olib bormoqda. Mashgʻulotlar 8-10-mart kunlari ayni shu shaharda oʻtadigan “Borneo Sevens” xalqaro turniriga tayyorgarlik vazifasini bajarib bermoqda.
Ushbu yigʻinda terma jamoaga yangi zelandiyalik murabbiylar Rokki Kxan va Bred Mikk jalb etilgan. Regbichilarimiz mashgʻulotlarda toʻp bilan muomala qilishdagi oʻziga xos usullar va turli kombinatsiyalarni oʻzlashtirishmoqda.
