Filippinda oʻtayotgan suv sporti turlari boʻyicha yosh guruhlari oʻrtasidagi Osiyo chempionatida Oʻzbekiston terma jamoasi yana ikki medalni qoʻlga kiritdi. Har ikki medalni terma jamoa hisobiga isteʼdodli suzuvchilarimizdan biri Eldor Usmonov keltirdi.

Usmonov dastlab 50 metrga erkin usulda suzishda 22.87 soniya, soʻng 100 metrga batterflyay usulida suzish dasturida 53.14 soniya koʻrsatib ikkinchi boʻlib marraga yetib keldi va kumush medallarga sazovor boʻldi.