26 Fevral 2024 278

Toshkentda figurali uchish bo‘yicha xalqaro musobaqa o‘tkazildi

23-25-fevral kunlari poytaxtimizdagi “Alpomish” muz saroyida figurali uchish boʻyicha “GSA TROPHY TASHKENT” xalqaro musobaqasi boʻlib oʻtdi. Unda Oʻzbekistondan tashqari Qozogʻiston, Rossiya, BAA, Eron va Buyuk Britaniyadan tashrif buyurgan 100 nafarga yaqin yosh isteʼdod egalari ishtirok etishdi.

Turnirda mamlakatimizda faoliyat olib borayotgan 3 ta klub tarbiyalanuvchilari oʻz mahoratlarini namoyish qildi. Shuningdek, bellashuvlarda havaskorlar ham alohida toifada qatnashishdi. Qiziqarli chiqishlarga boy musobaqada 5 yoshdan 18 yoshgacha boʻlgan qizlar jami 22 yoʻnalishda medallar uchun kurash olib borishdi.

Text to speech