26 Fevral 2024
476
Karatechilarimiz Yoshlar ligasida 11 ta medalga sazovor boʻlishdi
BAAning Fujayra shahri mezbonlik qilayotgan karate WKF boʻyicha Yoshlar ligasida Oʻzbekiston terma jamoasining ishtiroki yakunlandi. Musobaqada hamyurtlarimiz 3 ta oltin, 2 ta kumush va 6 ta bronza, jami 11 ta medalga sazovor boʻlishdi.
Turnirning yakuniy kunida Javohir Jahongirov 14 yoshgacha boʻlgan oʻsmirlar toifasida kata dasturida oltin medalni qoʻlga kiritdi. Shuningdek, Solijon Soibov (-50 kg) kumite yoʻnalishida shohsupaning uchinchi pogʻonasidan joy oldi.
Qayd etish joiz, ushbu natija orqali sportchilarimiz jahon chempionati yoʻllanmasi uchun qimmatli reyting ochkolarini jamgʻarishdi.
