Hindistonda o’tayotgan velotrek bo’yicha Osiyo chempionatining bugungi kunida sportchilar guruh poygasi dasturida bahs olib borishdi. Unda O’zbekiston terma jamoasi ikkita medalga sazovor bo’ldi.

Dastlab yoshlar o’rtasidagi bellashuvda kechagi kun qahramonlaridan biri Alimardon Jamoldinov marraga uchinchi bo’lib yetib keldi va bronza medalini qo’lga kiritdi. Ayollar toifasida esa mahoratli Margarita Misyurina kumush medal sohibiga aylandi.