BAAning Fujayra shahrida karatening WKF yoʻnalishi boʻyicha oʻtayotgan Yoshlar ligasida Oʻzbekiston terma jamoasi yana bir medalni qoʻlga kiritdi. Unga Dilafroʻz Qoʻziyeva mualliflik qildi.

Hamyurtimiz 16-17 yoshli sportchilar oʻrtasida -53 kg vazn toifasida kechgan kumite dasturida finalgacha yetib bordi. Afsuski, hal qiluvchi bahsda fransiyalik Silya Abdusselamga imkoniyatni boy berdi va kumush medal bilan taqdirlandi.