Bugun Germaniyaning Kotbus shahrida sport gimnastikasi bo’yicha Jahon kubogining 2-bosqichida final bellashuvlari boshlanadi. Xabar berganimizdek, unda dunyo gimnastikasi afsonasi Oksana Chusovitina tayanib sakrash dasturida medallar uchun bahs olib boradi.

Jahon kubogi bosqichlarining yakunida Parij-2024 yozgi Olimpiya o’yinlarining yo’llanmalari o’ynaladi. Bugun yurtdoshimiz shohsupaga ko’tarila olsa, o’zining to’qqizinchi Olimpiadasi sari katta qadam tashlagan bo’ladi. Bugungi final oldidan Xalqaro Olimpiya qo’mitasining media bo’limi yurtdoshimiz haqida ajoyib videorolik tayyorladi.