24 Fevral 2024
698
Sablyachi yigitlarimiz chempion, shpagachilarimizda bronza
Bahraynning Manama shahrida qilichbozlik bo‘yicha yoshlar o‘rtasidagi Osiyo chempionatining jamoaviy bahslariga navbat yetib keldi. Ahamiyatlisi, bugungi kun ham O‘zbekiston terma jamoasi uchun sermahsul o‘tdi.
Yakkalik bahslarida g‘alaba qozongan Musa Aymuratov boshchiligidagi sablyachi yigitlarimiz jamoaviy dasturda yana bir bor barcha raqiblarini mag‘lub etib, oltin medallarni qo‘lga kiritishdi. Yurtdoshlarimiz (Musa Aymuratov, Islombek Abdazov, Sardor Abdukarimbekov, Zuhriddin Qodirov) saralashda Filippin va Saudiya Arabistoni, yarim finalda Gonkong va finalda Xitoy jamoasidan ustun kelishdi. Shuningdek, yarim finalgacha yetib kelgan shpagachi yigitlarimiz bronza medallariga sazovor bo‘lishdi.